2026-жылдын 3-июнунда Манас шаардык депутаттар кеңешинин социалдык, укуктук маселелер, мыйзамдуулук, депутаттык этика, ишмердүүлүк, партиялар, коомдук уюмдар жана жаштар иштери, туризм жана спорт боюнча туруктуу комиссиясынын кезектеги отуруму болуп өттү
03.06.2026 13:40
6
2026-жылдын 3-июнунда Манас шаардык депутаттар кеңешинин социалдык, укуктук маселелер, мыйзамдуулук, депутаттык этика, ишмердүүлүк, партиялар, коомдук уюмдар жана жаштар иштери, туризм жана спорт боюнча туруктуу комиссиясынын кезектеги отуруму болуп өттү.
Отурумдун жүрүшүндө шаар аймагындагы бир катар көчөлөргө, билим берүү жана саламаттык сактоо мекемелерине белгилүү инсандардын ысымдарын ыйгаруу боюнча жарандардан жана демилгелүү топтордон келип түшкөн сунуштар каралды.
Тактап айтканда, Көк-Арт, Курманбек, Спутник, Ч.Айтматов, М.Т. Конгантиев муниципалдык аймактык башкармалыктарындагы бир катар көчөлөргө, ошондой эле №75-лицейге жана №1 Үй-бүлөлүк дарыгерлер тобуна ысым берүү маселелери талкууланды. Мындан сырткары, Манастын 40 чоросунун ысымын аты жок көчөгө ыйгаруу боюнча сунуш дагы каралды.
Ошондой эле реконструкциядан өткөрүлүп, жакынкы күндөрү пайдаланууга берилүүсү күтүлүп жаткан “Жеңиш” эс алуу багынын аталышын “Манас” эс алуу багы деп өзгөртүү боюнча сунуш комиссия мүчөлөрүнүн кароосуна коюлду.
Күн тартибиндеги маселелер тиешелүү мекеме өкүлдөрүнүн жана демилгечилердин катышуусунда талкууланып, комиссиянын корутундусу даярдалды. Каралган сунуштар Манас шаардык депутаттар кеңешинин алдыдагы сессиясынын күн тартибине киргизүү үчүн жактырылды.