ИЙГИЛИК ЖАРАТКАН СПОРТЧУЛАР СЫЙЛАНДЫ
02.12.2025 16:37
2
ИЙГИЛИК ЖАРАТКАН СПОРТЧУЛАР СЫЙЛАНДЫ
Бүгүн, 2-декабрда Манас шаардык кеңешинин төрагасынын орун басары Каныбек Маманов, Манас шаарынын мэринин биринчи орун басары Кубанычбек Иманалиев эл аралык мелдештерде байгелүү орундарды алган спортчуларды куттуктап, сыйлыктарды тапшырды.
Казакстандын Алматы шаарында өткөн тогуз коргоол боюнча Дүйнө чемпионатында Манас шаарынын балдар-өспүрүмдөр спорт мектебинин тарбиялануучулары тарыхый ийгилик жаратышты. Алгачкы жолу Кыргызстандын тарыхында кыз-келиндер жана жаштар арасында дүйнөлүк деңгээлде алдыңкы орундар багындырылды.
— Абдымомунова Үпөл – кыз-келиндер жана жаштар арасында 1-орун
— Садыкова Акмарал – 3-орун
— Замиров Нурболот – 3-орун
Ошондой эле Манас шаардык №1 спорт мектебинин спортчусу Камбаров Хожиакбар Абу-Дабиде өткөн кикбокс боюнча Дүйнө чемпионатында 1-орунду утуп, өлкөбүздүн желегин желбиретти.
Бириккен Араб Эмирлигинин Фуджейра шаарында өткөн чоңдор арасындагы Белбоо күрөшү боюнча Дүйнө чемпионатында да Манас шаарынан барган балбандар ийгилик жаратышты:
— Шайбекова Мырзайым (66 кг) - 3-орун
— Шамшиев Абубакир (75 кг, классикалык стиль) – 3-орун
Каныбек Маманов спортчулардын бул жетишкендиктери Манас шаарынын эле эмес, бүтүндөй өлкөнүн сыймыгы экенин белгилеп, аларга жана машыктыруучуларына ийгиликтерди каалады.