ИЙГИЛИК ЖАРАТКАН СПОРТЧУЛАРДЫ САЛТАНАТТУУ ТОСУП АЛЫШТЫ
02.12.2025 10:02
3
ИЙГИЛИК ЖАРАТКАН СПОРТЧУЛАРДЫ САЛТАНАТТУУ ТОСУП АЛЫШТЫ
Абу-Даби шаарында өткөн кикбоксинг боюнча дүйнө чемпионатында алтын медаль тагынган спортчулар мекенге кайтты. Бүгүн 1-декабрда аларды Жалал-Абад аэропортунда салтанаттуу тосуп алуу аземи өттү.
Иш-чарага Манас шаардык кеңешинин төрагасынын орун басары Каныбек Маманов, Манас шаарынын мэринин орун басары Гүлбарчын Таштанбекова, спортчулар, машыктыруучулар жана чемпиондордун жакындары катышты.
Төраганын орун басары Каныбек Маманов спортчуларды жараткан ийгилиги менен куттуктап, бул жеңиш жалпы Манас шаарынын жеңиши деп белгиледи.
Эскерте кетсек, 2025-жылдын 21-30-ноябрь күндөрү Араб Эмиратынын Абу-Даби шаарында кикбоксинг боюнча дүйнө чемпионаты өттү. Ага 80ден ашык мамлекеттен спортчулар катышкан. Анда Манас шаарынын балдар, өспүрүмдөр спорт мектебинин тарбиялануучусу Хожиакбар Камбаров 1-орунду багындырды.
Ал эми 94 кг салмакта таймашкан Тахир Марасулов да төрт мамлекеттен келген спортчуларды жеңип, ардагерлер арасында дүйнө чемпиону аталды.