Манас шаардык депутаттар кеңеши

Манас шаардык депутаттар кеңешинин кеңейтилген жыйыны болуп өттү. Жыйынга Манас шаардык кеңешинин төрагасы Аскат Талант уулу, туруктуу комиссиялардын мүчөлөрү болгон депутаттар жана тиешелүү мекеме-ишканалардын жетекчилери катышты.

Анда төмөнкү маселелер каралды:

1. Манас шаарынын Барпы Сейил көчөсү №79В дарегинде жайгашкан муниципалдык имаратты жана «Данек» балдар оюн-зоок борборун ижарага берүү жөнүндө;

2. Манас шаарынын Пушкин көчөсү №150а дарегинде жаңы курулган мектептин электр энергиясын тейлөөнү Жалал-Абад электр тармактар ишканасынын балансына өткөрүп берүү жөнүндө;

3. Манас шаарынын Спутник-6 көчөсү №35 дарегинде жайгашкан 600,0 чарчы метр муниципалдык жер тилкесин Жалал-Абад облустук прокуратурасына кызматтык үй куруу үчүн оперативдүү башкарууга өткөрүп берүү жөнүндө;

4. Манас шаарынын Д. Малашов көчөсүндөгү 570,0 чарчы метр жана 1000,0 чарчы метр муниципалдык менчиктеги жер тилкелерди Мамлекеттик ипотекалык компания ачык акционердик коомуна мөөнөтсүз пайдаланууга өткөрүп берүү жөнүндө;

5. Манас шаарынын Эркиндик көчөсү №11 дарегинде жайгашкан административдик имаратты тиешелүү жер тилкеси менен бирге Кыргыз Республикасынын Курулуш, архитектура жана турак-жай коммуналдык чарба министрлигинин аймактык бөлүмүнө оперативдүү башкарууга өткөрүп берүүгө макулдук берүү жөнүндө.

Жыйында каралган бардык маселелер алдыдагы сессиянын кароосуна сунушталды.