Манас шаардык депутаттар кеңеши

Бүгүн 19-мартта Манас шаарында коммуналдык чарба кызматкерлеринин кесиптик майрамы белгиленди. Ага Манас шаардык депутаттар кеңешинин төрагасы Аскат Талант уулу, шаар мэри Абдупата Маткаликов, коммуналдык мекеме-ишканалардын жетекчилери жана кызматкерлери катышты.

Анда төрага Аскат Талант уулу майрам ээлерин кесиптик майрамы менен куттуктап,шаарыбыздын тазалыгын, көрктүүлүгүн, тургундардын жайлуу жашоосун камсыз кылууда коммуналдык чарба кызматкерлеринин эмгеги баа жеткис экендигин белгиледи.

Иш-чарада аталган тармакта үзүрлүү эмгектенген кызматкерлер Манас шаарынын мэриясынын Ардак грамоталары, Ыраазычылык баракчалары менен сыйланышты. Ошондой эле кызматкерлер үчүн “Galaxy cinema” кинотеатрына билеттер тапшырылды.

Белгилей кетсек, жыл сайын март айынын үчүнчү жекшембисинде Кыргыз Республикасынын турак жай жана коммуналдык чарба кызматкерлеринин күнү белгиленет.